Бейбіт күннің батырлары марапатталды

Atr.kz/10 тамыз, 2020 жыл. Атырауда жас балаға сексуалдық сипаттағы зорлық-зомбылық жасамақ болған күдіктіні ұстауға көмектескен қала тұрғындары марапатталды. Олардың арасында 16 жасар жасөспірім бар, деп хабарлайды ҚазАқпарат.

Еске сала кетсек, 6 тамызда кешкі сағат 19:30-да Көктем ықшамауданында мас адам кішкентай балаға сексуалдық сипаттағы зорлық-зомбылық әрекетін жасауға әрекеттенген. Күдіктінің бұл арам пиғылын Атырау қаласының тұрғындары Шамиль Кулиев, Артур Новиков және 16 жасар Әлішер Төлегенов сезіп қалған.

Облыстық полиция департаментінің бастығы, полиция полковнигі Қамза Үмбетқалиев қырағы азаматтарды арнайы шақырып, алғыс хапен, арнайы сыйлықпен марапаттады. Әсіресе, Әлішер Төлегеновтің қоғамдағы осындай оқыс жағдайға бейжай қарамай көмекке келгені үшін алғыс айтып, болашақта ішкі істер органдарында қызмет етуге шақырды. «Күдіктіні ұстауға көрсеткен көмектеріңізді ерлік деп білеміз. Егемен еліміздің өскелең ұрпағы сіздердей жанашыр болса, ел ертеңі кемел боларына сенім мол», — деді департамент бастығы Қамза Үмбетқалиев.

Бұған дейін Атырауда балаға зорлық жасамақ болған күдіктінің ұсталғанын хабарлаған болатынбыз.