news image 17598

Бас мүфти Серікбай қажы Ораз елдегі митингілерге қатысты пікір білдірді (+ВИДЕО)

ATR.TV Жаңалықтар Қоғам Құқық

Atr.kz/20 маусым, 2019 жыл  Азаматтар өздерінің ой-пікірлерін көшеде емес, келелі кеңесте білдіргені жөн. Бас мүфти Серікбай қажы Ораз елдегі митингілерге қатысты осылай деді.

Ол наразылық пен қарсылық дау-дамайсыз, керісінше мәдениетті, әрі байсалды түрде айтылғаны абзал деп санайды. Сонда ғана кез-келген мәселе бітімді, әрі жемісті шешіледі. Өйткені билік те, халық та – бір елдің тұрғындары. Ал ел халқының бірлігі берекелі тірліктің кепілі екенін ескерген дұрыс.

Серікбай қажы Ораз, ҚМДБ төрағасы, Бас мүфти:

Дінімізде ешқандай бүлікке ұрынбаңдар. Жер беті тыныш өмір сүріп жатқан жерде бейбіт өмірін сақтаңдар дейді. Демек біз үшін ең басты құндылық – біздің тәуелсіздігіміз, ішкі келісім мен тұрақтылығымыз. Ел боламын десең қоғам бол, бірің оған, бірің бұған бол,-дейді. Сол тұтас қоғамды кемелдігін сақтап тұратын ең басты – арадағы сұхбаттастық. Диалог дейміз ғой. Ойын нақты жеткізе алу. Сараланған ойдың сапалы, әрі сабақтастығы болуы үшін бірін-біріндегі өзара үйлесімділік керек. 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған