Барлығы 5: Атырауда тағы 3 адам коронавирусты жеңіп шықты

Аtr.kz/13 сәуір, 2020 жыл. Төтенше жағдайды қамтамасыз ету жөніндегі Жедел штабтың мәліметіне сәйкес, олар Атырау облысындағы  Covid-19  жұқтырған алғашқы науқастардың бірі.

Бүгін, 13 сәуір күні  коронавирустан айыққан тағы үш емделуші  инфекциялық стационардан шықты.
Емделіп шыққандар қатарында —  үшінші емхананың мейірбикесі, «Нұр-Сұлтан-Атырау» бағытындағы пойыз бен «Стамбул-Атырау» рейсінің жолаушысы бар.

«Барлығы өздерін жақсы сезінеді.   Оларды медициналық мекемеден шығар кезде туыстары мен достары қарсы алды», — дейді штаб өкілдері.