Атыраулық – әлем чемпионы (+ФОТО)

Atr.kz/11 қараша, 2019 жыл. Жас грепплинг шеберлері әлем чемпионатында жеңіске жетті. Бүгін таңғы уақытқа қарамастан бір топ спорт мамандары спортшыларды әуежайдан салтанатты түрде күтіп алды.

8-9 қараша күндері Әзірбайжан астанасы Баку қаласында грепплинг UWW нұсқасы бойынша жасөспірімдер, кадеттер жəне ардагерлер арасында әлем чемпионаты өтті.

Қазақстан ұлттық құрамасы сапында үш спортшымыз сынға түсіп, 1 алтын, 1 күміс және 1 қола медальға ие болды. Ақар Исағалиев бастаған жерлестеріміз жүлделерді «No-Gi» бөлімінен алды.

16-17 жас аралығында 50 келі сламақта Фархат Ниетов барлық қарсыластарын тізу бүктіріп, әлем чемпионы атағына ие болды. Ал, 14-15 жас аралығында 66 келі салмақта Әділет Сәрсенбек ақтық сынға дейін жетіп, күміс еншілесе, 47 келіде Денихан Зубариев қола жүлдеге ие болды.

Дереккөз: «Atyrau Sport»