Атыраудан кезекті көктемгі әскери шақыртуға 165 адам барады (+ФОТО)
Atr.kz/13 мамыр, 2020 жыл. «Бұл туралы бүгін Атырау облысының әкімі Махамбет Досмұхамбетовтің төрағалығымен өткен селекторлық жиында Атырау облысы қорғаныс істері жөніндегі департаменті мәлім етті» деп хабарлайды өңірлік коммуникациялар қызметі.
Жалпы, Қазақстан Республикасының әскери құрылымдар қатарына Атырау облысы бойынша көктем мезгіліне берілген жүктемеге сәйкес, 662 адам әскерге баруы қажет.
Бүгінгі таңда республика аумағында карантиндік режим жариялағанға дейін ҚР Ұлттық қауіпсіздік комитеті шекара қызметі қатарына 2 команда, яғни 35 әскерге шақырылушы аттанды. Енді 20 мамырдан бастап көктемгі әскери шақыртуға тағы да 165 адам барады» делінген Атырау облысы қорғаныс істері жөніндегі департамент мәліметінде.
Осылайша, 20-30 мамыр аралығында Атыраудан Қарулы Күштер қатарына 95, шекара қызметіне 22, ұлттық Ұлан сапына — 48 адам аттанады деп күтілуде.
