14e6d2bd4a86e2df2f064064a4a35353 big

Атырауда жоғалған сиырлар Маңғыстаудан табылды

Жаңалықтар Құқық
13 / 100

23 ақпан күні  Жылыой ауданында боранды ауа-райы салдарынан 70 бас сиырын жоғалтқан Майкөмген елдімекенінің тұрғындары полиция қызметкерлеріне арыздарын қалдырған, деп хабарлайды Atr.kz тілшісі.

Атырау облысы полиция департаменті баспасөз қызметі жетекшісі Мейірім Ердәулеттің сөзінше, өз күшімен іздестірмек болғанымен одан ешқандай нәтиже шықпаған соң сақшылардың көмегіне жүгінген. Іздестіру жұмыстарын 12 күн жүргізген Жылыой ауданы ПБ-нің учаскелік полиция инспекторы полиция капитаны Жайық Қойбасов жоғалған​ малдарды ауылдан 180 км қашықтықтағы Маңғыстау облысы Қаракиіз тауының жиегінен тауып әкеліп, қожайындарына тапсырды. Ауа-райының қолайсыздығы салдарынан іздеу жұмыстары біршама қиындық туғызған көрінеді.

Алайда полиция қызметкерінің ​ қырағылығының арқасында мүйізді ірі қаралар аман-есен табылды.

Тәртіп сақшыларының жұмыстарына риза болған мал иелері қызметкерлердің қиын да жауапты істеріне өз алғысын жеткізіп, ризашылығын бейнежазба арқылы білдірді.

Табылмаған шамамен 30-ға жуық  сиырды іздестіру әлі де жалғасады. Полицейлер өз кезегінде тұрғындар назарына төрт-түлігін қараусыз қалдырмауды ескертеді!

Амандық САҒЫНТАЙҰЛЫ

Пікір үстеу

Э-пошта мекенжайыңыз жарияланбайды. Міндетті өрістер * таңбаланған