Атырауда жастар кеңесінің төрағасы өз таңдауын жасады

N31 мектеп-гимназиясында орналасқан N84 референдум учаскесінде “Самұрық-Қазына” акционерлік қоғамы Атырау облысы бойынша жастар кеңесінің төрағасы Бибігүл Серікбайқызы өз таңдауын жасады.

-Өз референдум учаскеме келіп, дауысымды бердім. Бұл Қазақстанның болашағы үшін жасалған нақты қадам деп есептеймін. Барлық қазақстандықты дауыс беруге шақырамын,-дейді ол.
Атап айту керек, “Самұрық-Қазына” акционерлік қоғамына қарасты 12 компанияда Атырау облысы бойынша 5 мыңнан астам жас маман жұмыс істейді. Бүгін олардың әрқайсысы өз учаскелерінде дауыс беріп, өз таңдауларын жасауда.

Айбөпе САБЫРОВА
Суретті түсірген автор