Атырауда үздік спортшылар кімдер? (+ВИДЕО)

Atr.kz/19 тамыз, 2020 жыл. Атыраулық үздік спортшылар марапатталды.

«Спорт күніне» орай Атырау облысы әкімінің орынбасары Бақытгүл Хаменова бір топ сала қызметкерлерін салтанатты түрде қабылдады, деп хабарлайды Атырау облыстық коммуникациялар қызметі.
Әлемдік дүбірлі додаларда еліміздің көк туын желбіреткен чемпиондар мен олардың бапкерлерін облыс әкімінің орынбасары Бақытгүл Хаменова кәсіби мерекелерімен құттықтады.

• «Спорт дегеннің өзі – жалғыз денсаулықтың мәйегі ғана емес, спорт дегеніміз – бүкіл адамзаттың қозғаушы күші деуге болады. Сондықтан сіздердің ерен еңбектеріңіздің орны бөлек. Спортшыларды тәрбиелеудегі қызметтеріңізге алғыс білдіре отырып, кәсіби мерекелеріңізбен шын жүректен құттықтаймын», дей келе, облыс әкімінің орынбасары Бақытгүл Хаменова облыстық, республикалық, халықаралық деңгейде топ жарып, елдің мерейін асқақтатып жүрген спортшыларға облыс әкімінің арнайы Алғыс хаттарын табыстады.