Атырауда уақытша жол жабылады

«Атырау мұнай-өңдеу зауыты» ЖШС 3 ақпан күнгі сағ.08.00-ден 4 ақпан сағ.17.00-ге дейін З.Қабдолов көшесінен зауыт бағытындағы автомобиль жолын кесіп өтетін №1 кіреберіс темір жолын қалпына келтіру жұмыстары жүргізілуіне байланысты уақытша жол жабылады, деп хабарлайды atr.kz тілшісі Атырау қаласы әкімінің баспасөз қызметіне сілтеме жасап.
«Іс-шара Атырау қаласының әкімдігімен және әкімшілік полиция басқармасымен келісілген.
Аталған учаскеде көлік қозғалысы уақытша шектелетiнін ескертеміз.
Түсіністік танытуларыңызды сұраймыз!», деп жазылған хабарламада.

Нұргүл Насыр