whatsapp image 2019 09 13 at 13.40.04

Атырауда республикалық ақындар айтысы басталды

Жаңалықтар

Atr.kz/13 қыркүйек, 2019 жыл.  Атырауда ақын Фариза Оңғарсынованың 80 жылдығына орай «Жыр жұлдызы Фариза» республикалық ақындар айтысы басталды, деп хабарлайды Атырау облысының  Өңірлік коммуникациялар қызметі.

Атырау облысы әкімдігінің қолдауымен ұйымдастырылып отырған айтысқа еліміздің барлық өңірінен 22 ақын келді.

Шараға арнайы қатысқан Атырау облысы әкімінің бірінші орынбасары Серік Шапкенов облыс әкімі Нұрлан Ноғаевтың атынан құттықтап, ақындарға сәттілік тіледі.

–        Өзінің өмірін өлеңге арнап, барлық ғұмырын жырмен жырлаған жерлес апамыздың құрметіне Атырау облысының әкімдігі апталық шарасын өткізуде. Кеше ақын апамызға арналған конференция өтті. Сондай-ақ, өлең-жыр байқауларын, спектакльдер өткізу жоспарлануда. Тек осы шаралармен шектелмей, алдағы күндері де ауқымды шаралар өтетін болады, – дейді Серік Шапкенов.

Айта кетейік, «Жыр жұлдызы Фариза» республикалық ақындар айтысының финалдық кезеңі 13 қыркүйек күні сағат 10.00-де «Облыстық халық шығармашылығы орталығында» өтеді.

whatsapp image 2019 09 13 at 13.40.04 1
whatsapp image 2019 09 13 at 13.40.03
whatsapp image 2019 09 13 at 13.40.02

Пікір үстеу

Э-пошта мекенжайыңыз жарияланбайды. Міндетті өрістер * таңбаланған