Атырауда модульдік аурухана инфекция жұқтырған науқастар үшін қайта ашылды

Бұл туралы №2 облыстық инфекциялық аурухананың эпидемиолог дәрігері Руслан Қайыржанов пресс-турда мәлімдеді, деп хабарлайды atr.kz тілшісі.

“Кереует тапшылығы орын алмас үшін Денсаулық сақтау басқармасының бұйырығымен коронавирус кезінде тұрғызылған модульдік аурухананың қосымша 200 кереуеті инфекциялық ауруларға резервке тұрады. Қазіргі таңда модульдік ауруханадан инфекциялық ауруларға қосымша 80 кереует ашып, науқастарды қабылдап жатырмыз. Өйткені, қазір  тек қызылша емес, жедел респиратоорлық вирустардың да өршіген кезеңі. ЖРВИ-мен балалар ғана емес үлкен кісілер де көптеп түсіп жатыр. Сондықтан, бұл ғимаратқа қызылшамен қоса өзге бейімдегі инфекциялық жұқпамен науқастар қабылданады”,- деді Руслан Қайыржанов.