Бұл туралы облыстық Жұмыспен қамтуды үйлестіру және әлеуметтік бағдарламалар басқармасының басшысы Азамат Мәмбетов мәлім етті, деп хабарлайды Өңірлік коммуникациялар қызметі.
– Вакансиялар жәрмеңкесі 15 қыркүйек, сағат 10.00-12.00 аралығында өтеді. Мекенжайы: Нұрсая ықшам ауданы, Елорда даңғылы 24, «APEC PetroTechnic» жоғары колледжі. Жәрмеңкеге өңірдегі кәсіпорындар мен мекемелер қатысады. Жұмыссыздық деңгейін азайтуда «бос орындар» жәрмеңкесін ұйымдастырудың маңызы зор. Сондықтан, жергілікті жұмыссыз азаматтарды жәрмеңкеге шақырамыз. Өздерімен бірге жеке түйіндемелерінің бірнеше данасын алып келулерін сұраймыз, – деді А.Мәмбетов.
