Атырауда блок-бекеттер дронмен бақыланады
Аtr.kz/15 сәуір, 2020 жыл. Қала көшелеріндегі карантиннің сақталуын атыраулық полицейлер тәулік бойы қадағалауда.
Оған жедел топтар мен жаяу нарядтар жұмылдырылған. Карантинге байланысты облыс орталығына кіру және шығу деректерін болдырмау мақсатында Алмалы және Бесікті, Қара өзек және Қарабатан бөгет бекеттері маңайындағы қара және айналма жолдарды патрульдеу бойынша арнайы мобильді топтар құрылды. Сондай-ақ, дрон көмегімен де іргелес аумақтарға бақылаулар жүргізілуде.
Атырау облысының бас мемлекеттік санитарлық дәрігерінің қаулысына байланысты 6 сәуірден бастап қалада бірқатар шектеулер енгізілді. Қала тұрғындарына сағат 21.00-ден таңғы 06-ге дейі н к ө ш е г е ш ы ғ у ғ атыйым салынған еді. Алайда, төтенше жағдай талаптарын сақтамайтындар аз болмай отыр. Айталық, түнде көшеге ешбір себепсіз шыққаны үшін екі түнде полицияға 70- ке жуық азамат жеткізілді. Оларға қатысты Әкімшілік құқық бұзушылық туралы кодекстің 476-бабы бойынша әкімшілік хаттамалар рәсімделіп, материалдар сотқа жолданды.
Жалпы, төтенше жағдай режимі енгізілген сәттен бастап облыста төтенше жағдай режимін бұзғаны үшін 180 адам әкімшілік жауапкершілікке тартылып, оның 67-і қамауға алынды.Мас күйінде патрульге бағынбаған 9 адамға қатысты хаттамалар толтырылды. Осы уақыт ішінде блок-бекеттерді айналып өтпекші болған 21 әрекет тоқтатылды, оның ішінде 13-і жеке автокөліктерімен айналма жолдарда анықталды. Осы мерзім ішінде облыс полицейлері 3 000-нан астам атыраулыққа түсіндірме жүргізген.
О б л ы с т ы қ п о л и ц и я департаменті баспасөз қызметінің хабарлауынша, блок-бекет тұрақты түрде дрон арқылы да бақыланады. Десек те, күні бүгінге дейін заманауи құрылғы арқылы анықталған бірде- бір заңбұзушылық дерегі тіркелмеген.
Айбөпе САБЫРОВА
