Атырауда бас шырша шамдары жарқырай жанды

Кеше кешкісін Атырау қаласындағы Исатай-Махамбет алаңында қаламыздың бас шыршасының шамы  жағылды, деп хабарлайды atr.kz тілшісі.

Қала әкімінің орынбасары Нұржан Ермұханов қала тұрғындары мен қонақтарына жаңа жылдық тілегін білдірді. 

Кеште жергілікті өнерпаздар өнерлерін көрсетті. Аяз ата мен Ақшақар кішкентай бүлдіршіндерге сыйлықтар таратты. Қыс қызығы енді басталғандай. Қала тұрғындары мен жастары бас шыршаның алдына суретке түссе, бүлдіршіндер шырша маңына шаналарын сүйреп қызықты ойынға кенелді. 

Айта кетейік биылғы бас шыршаның биіктігі — 18 метр. Қаланың көрікті жерлерінде  жеті жаңа жылдық шырша құрылды. 

Нұргүл Насыр

Суреттерді түсірген автор