АТЫРАУДА АЗЫҚ-ТҮЛІК ЖЕТКІЛІКТІ МЕ? (+видео)

whatsapp image 2020 08 17 at 22.33.23 1 1024x682 1 Жаңалықтар

Атырауда әлеуметтік маңызы бар азық-түлік өнімдерінің 9000  тонна қоры бар.

Атырау облысында әлеуметтік маңызы бар азық-түлік тауарларының бағалары бір қалыпты. Бұл туралы облыстық ауыл шаруашылығы басқармасының басшысы Амангелді Саламат мәлімдеді.

– Айналым схемасы арқылы алынған азық-түлік өнімдері  «Идеал» және «Лидер» әмбебап меркеттерінің 36 желісінде, көкөніс өнімдері «Дина», «Насиха», «Көктем»,  «Сарайшық» сауда орындарында сатылуда, – деді Амангелді Саламат.

Оның айтуынша, аймақта азық-түлік өнімдерінің 9000 тонна қоры бар.

Бұған қоса өңірімізге әлеуметтік нан және бірінші сұрыпты ұн бағаларын тұрақты ұстау мақсатында үш жақты мемарандум жасақталып, 13 мың тонна бидай тасымалдау жоспарланыпты.

Аталған меморандум негізінде әлеуметтік нан бағасы 90, ал бірінші сұрыпты ұн 145 теңгеден сатылады.

Айта кетейік, қазіргі уақытта тұрақтандыру қорында – 579,6 тонна картоп, 325,8 тонна сәбіз, 339 тонна пияз, 200 тонна орамжапырақ бар.

Баға берсеңіз
Атырау газеті
Пікір қалдырыңыз

  1. Нурбубек

    Қайда 90 теңгенің наны??? 120 тенге тұрады. Көтеріледі қалайша байқамайсыздар? 145 теңгеден не ұн ол? 2 кг Цесна 800-900 тенге тұрады. Сонда кг 400-450 теңгеден келеді ғой.