Атырауда аула балалары бас қосты

Atr.kz/4 қыркүйек, 2019 жыл. Атырау қаласындағы шағынаудандарда тұратын жасөспірімдердің басын қосқан осындай жарыстың бірін  Конституция күніне орай Бұқаралық спортты дамыту клубы ұйымдастырды.  

10-15 жас аралығындағы балалар қатысқан «Көңілді старт» ойынына  «Рахат», «Светлана», «Авангард», «Нұрсая», «Вокзал маңы» командалары қатысып, әр аула командасында үш ойыншыдан болды.  Жарыс барысында командалар өзара ұзындыққа секіру, доп тебісу, скакалкамен секіру, эстафета тәрізді ойындар бойынша бәсекелесіп, әр жарыс түріндегі ұпайлар санының жиынтығы нәтижесінде  «Авангард» командасы (ойыншылары: Тұрар Бағытжан, Абдуррахман Төлеген, Айболат Төлеу) жарыс жеңімпазы атанды.  Ал, екінші орын «Вокзал маңы» жасөспірімдеріне бұйырса, «Нұрсая» командасы үшінші орын иеленді.     

Барлық жүлдегерлерге Бұқаралық спортты дамыту клубы атынан медальдар мен дипломдар табысталды.   

Мұратбек ЖАҢАБАЙ