Атырауда 3 адам газға уланды

24 қаңтар күні Атырау қаласындағы тұрғын үйлердің бірінде 3 адам газға уланды.

Облыстық төтенше жағдайлар департаментінің баспасөз қызметінің хабарлауынша, олар көмірқышқыл газына уланған.

«Оқиға орнына Төтенше жағдайлар бөлімі қызметкерлері дереу жетіп, 1976 жылғы азамат пен азаматша облыстық ауруханаға және 2009 жылғы жасөспірім жедел-жәрдем қызметімен облыстық балалар ауруханасына жеткізілді», — делінген хабарламада.

Белгілі болғандай, дәрігерлердің қарауынан кейін, үйлеріне жіберілген. Олардың жағдайлары жақсы.