АТЫРАУ ТҰРҒЫН ҮЙЛЕРІНДЕ ЕРЕКШЕ ҚҰС ҰШЫП ЖҮР…

Атыраулық құтқарушылар сұңқарды босатты.

Бұл туралы облыстық төтенше жағдайлар департаментінің қоғаммен байланыс тобы мәлім етті.

Атырауда Б.Момышұлы көшесіндегі №7 үйдің подъезіне сұңқар кіріп кеткені туралы хабарлама келіп түсті. Шақыру орнына келген құтқарушылар оны ұстап алып, бостандыққа жіберді.

Бұл үшін аталған департаменттің өрт сөндіру және авариялық-құтқару жұмыстары қызметі жедел-құтқару жасағының үш қызметкері мен бір техникасы жұмылдырылды.

Амандық САҒЫНТАЙҰЛЫ