Атырау қаласында «Мектепке жол» республикалық акциясы ұйымдастырылуда

Атырауда «Мектепке жол» республикалық акция аясында 25-29 тамыз аралығында Дина және Насиха сауда үйінің аумағында жәрмеңке ұйымдастырылуда.

«Бүгінгі Дина базарында өтіп жатқан жәрмеңкеде 20-дан астам кәсіпкерлік субъектілері қатысуда. Жәрмеңкеде оқушылардың мектеп формасы мен оқу құрал-жабдықтары нарықтағы бағадан 10-15% төмен сатылуда, ал кейбір кәсіпкерлердің өнімдеріне 30-50% дейін жеңілдіктер бар», — деп хабарлады Атырау қалалық әкімдігі.

Айта кетейік, аталған жәрмеңке 25 тамызынан бастап 29 тамызға дейін жалғасады.