Атырау облыстық ішкі саясат басқармасы басшысының орынбасары тағайындалды

Облыстық ішкі саясат басқармасы басшысының орынбасары қызметіне Жанғалиев Әлішер Қамбарұлы тағайындалды, деп хабарлайды atr.kz тілшісі.

Әлішер Жанғалиев  2011 жылы Х.Досмухамедов атындағы Атырау мемлекеттік университетін  құқықтану мамандығы бойынша бітірген. 2011 жылы еңбек жолын  халыққа қызмет көрсету орталығының кеңесшісінен бастады,

2012 – 2021 жылдары Атырау қаласы әкімінің аппаратының, ақпараттық технологиялар және мемлекеттік қызмет көрсетуді бақылау бөлімінің нұқсаушысы, кадр қызметі бөлімінің бас маманы, ақпараттық технологиялар және мемлекеттік қызмет көрсетуді бақылау бөлімінің басшысы, 2021 жылдан бастап күні бүгінге дейін Атырау қалалық ішкі саясат бөлімінің басшысы қызметтерін атқарған.