Жаңалықтар

Атырау кәсіпкерлері құлпынай алқабына қайықпен қатынап жүр

Атырау қаласының кәсіпкері Дәулет Ғарифолла құлпынай өсіреді. Ол су тасқыны шаруагерлерге де қиындық туғызып тұрғанын айтты, – деп хабарлайды облыстық төтенше жағдай жөніндегі жедел штаб.

Оның құлпынай алқабы Махамбет ауданы Жалғансай ауылының маңындағы егін алқабында орналасқан. Алқап маңындағы жайылмалар Жайықтың суына толғандықтан, кәсіпкерлер егістікке қайықпен қатынап жүр.

– Біз осы көктемде құлпынай егіп едік. Бұл аумақты су басады деп еш ойлаған жоқпыз. Қазір күніне 2-3 мәрте құлпынай тасимыз.  Атырау қаласына 60-100 келілеп жиналған жемісті әкеліп, оны өз сауда нүктелерімізде сатамыз, – дейді кәсіпкер.

Оның айтуынша, құлпынай алқабына бөлінген жердің жалпы ауданы 50 гектарды құрайды. Кәсіп иесі биыл тек 0,5 гектар жерге жеміс еккен.

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button