Атырау ақ маржан қалаға айналды! (ФОТОРЕПОРТАЖ)

Тұрғындарды тамсандырған тамаша табиғат көріністерін Ерлан Алтыбаев суретке түсіріп алды.

…Ақ қар, көк мұз, көктайғақ,

Түскен қарды желөкпе жел кетті айдап…

Ақпан бізге сырғанақты тепкізді,

Әйнектей мұз жанарында…кек қайнап…

Атырауда… жолдың бойы көксойма,

Өлеңіме қолын созар Көк қайда?!

Тайғанақтап безіп бара жатырмын,

Сөз қуғаннан таппадым деп көп пайда…

Атырауда… айнала мұз, тайғанақ,

Жел күледі, аязымен аймалап…

Бір тиянақ таба алмады аяғым —

Іздеп келем қара жерді қайдалап…

Тайғақ жандар, тайғақ жолдар… тайғақ жер,

Келер болсаң , бес қаруды сайлап кел!

Мақаш әкім ұрпағы едім, дүрсінген

Шамамызды байқап көр…

Гүлзада НИЕТҚАЛИЕВА