Атышулы Тоқтар Төлешевтың коттедждері кімге бұйырды?

Атышулы «сыра королі» Тоқтар Төлешев тақырыбы әлі жалғасып жатыр. Төлешевке қатысты сегіз жер учаскесі мен қос қабатты төрт зәулім үйінің сот шешімімен Шымкент әкімдігінің меншігіне өтуі қылмыстық хрониканың бояуын қанықтыра түскен оқиғалардың бірі болды.

«Астана» арнасының хабарлауынша, «корольдің» меншігінде болған әйгілі «Фосфоршылар сарайының» тағдыры шешілетін күн де алыс емес. Ал, сегіз жер теліміне келешекте көп қабатты тұрғын үйлер тұрғызылады. Бір коттеджде мәдениет үйі ашылады. Зәулім үйдің бірі  қиратылады деген де ақпарат бар.