Атырауда қайықтар шеруі өтті

Атыраулықтар сыбайлас жемқорлыққа қарсы «Адал жол» марафонын жалғастырды.

Ескек есуші спортшылар мен тұрғындар Жайық бойымен жүріп өтті. «Біз жемқорлыққа қарсымыз!» атты ұранмен шыққан топ жалаулатып қала тұрғындарын тазалыққа, әділдікке шақырды. Шеруге шамамен 30 бірлік су көлігі — 20 қайық, 2 яхта, 6 гидроцикл және 1 кеме қатысты.

Атырау қаласы әкімінің орынбасары Мейірім Қалауидің айтуынша, бұл акцияның мақсаты — қоғамдағы сыбайлас жемқорлыққа қарсы мәдениетті қалыптастыру, сондай-ақ халықтың, оның ішінде жастардың сыбайлас жемқорлыққа қарсы қозғалыста барлық топтарының өкілдерін тарт.

Шара соңы Ретро саябақта жергілікті өнерпаздар мен қала спортшыларының қойылымдарымен аяқталды.

Айта кетейік, бұл марафон 9 желтоқсанда қорытындыланады.