Атырау қаласына 217 мұғалім жетіспейді

Атырау қаласының мектептерінде әлі 217 маман жетіспейді. Бұл туралы қала әкімінің орынбасары Полымбет Хасанов мәлім етті.

– Білімнің қозғаушы күші – педагогтар болғанымен, кадр жетіспеушілігі өзекті күйде. Қала мектептеріне әлі 217 маман қажет. Олардың 33-і қазақ, 184-і орыс сыныптарына қажетті мамандар. Олардың дені негізгі пәндерден дәріс беретін физиктер, математиктер, орыс тілі, дене тәрбиесі пәндерінің мұғалімдері. Қажет мамандарды біз өзге облыстардан шақыртуға мәжбүрміз. Алайда, бізге келуге ниет білдіріп отырғандар тым аз, – деді ол.

Мәлике МӘЛІК