АСТАНА ТЕАТРЫ — АТЫРАУДА (фото)

Астана қаласындағы Қалибек Қуанышбаев атындағы мемлекеттік академиялық қазақ музыкалық драма театры Атырау қаласына гастрольдік сапармен келді. Аталмыш өнер ұжымы облыс орталығында 17-24 сәуір аралығында өнер көрсетпек.

Театр режиссері, Қазақстан Республикасына еңбек сіңірген қайраткер Нұрлан Жұманиязовтың айтуынша сапар шымылдығы режиссер Талғат Теменовтің «Аққудың көз жасы» спектаклімен ашылмақ. Сонымен қатар, жазушы-драматург, Қазақстан Республикасына еңбек сіңірген қайраткер, Шыңғыс Айтматов атындағы Халықаралық және Махамбет сыйлықтарының иегері Рахымжан Отарбаевтың «Әміре» спектаклін де алып келіпті.

Гүлзада НИЕТҚАЛИЕВА.

Суреттерді түсірген: Әнуар ӘБІЛҒАЗИЕВ.