Қашағанда 1 жылдың ішінде 6 миллион тонна мұнай өндірілген

«Норт Каспиан Оперейтинг Компании Б.В.» (НКОК) компаниясы игеріп жатқан Қашаған теңіз кен орнында алты миллион тонна мұнай өндірілді. Бұл – аймақ бойынша ең жоғары көрсеткіш.

Естеріңізге салсақ, өткен жылдың 28 қыркүйегінде аталған компания «А» аралындағы алғашқы ұңғымаларды қайта іске қосу жұмыстарын жүргізген болатын. Осы уақыт аралығында мекеме алты миллион тонна мұнай өндіріп үлгерді. Бұл болжамды көрсеткіштерден анағұрлым артық.

Сонымен бірге, Қашаған кен орнында 1,7 млрд. текше метрден астам газ өндірілді. Компанияның баспасөз қызметінен білгеніміздей, ол «ҚазТрансГаз» құбыр желісі бойынша экспортқа жөнелтілген екен.

Амандық Абдолов