![Апатты үйдің тұрғындарына жаңа баспана берілді 1 img 0569](https://atr.kz/wp-content/uploads/2024/07/img_0569-780x470.jpeg)
Жаңалықтар
Апатты үйдің тұрғындарына жаңа баспана берілді
Қаладағы Қожақаев 1 және Достық 12 мекен-жайында орналасқан апатты үйлердің тұрғындарына
қалалық тұрғын үй-коммуналдық шаруашылығы және тұрғын үй инспекциясы бөлімінің басшысы Мереке Зинуллин баспана кілтін табыс етті. Бұл туралы Өңірлік коммуникациялар қызметі хабарлайды.
![Апатты үйдің тұрғындарына жаңа баспана берілді 2 img 0573](https://atr.kz/wp-content/uploads/2024/07/img_0573-1024x591.jpeg)
Салтанатты шарада Мереке Зинуллин тұрғындарды жаңа қоныспен құттықтап, төрден құтты мейман арылмасын деп тілек етті.
- 1960 жылы салынған екі қабатты үйлер апатты деп танылды. Міне, бүгін сол меншік иелеріне қалалық бюджет қаржысына «Samal Town» кешенінен пәтер сатып алып, кілтін бергелі тұрмыз. Бұл жұмыстар кезең-кезеңімен жалғасады,- деді М.Зинуллин.
![Апатты үйдің тұрғындарына жаңа баспана берілді 3 img 0567](https://atr.kz/wp-content/uploads/2024/07/img_0567-1024x580.jpeg)
Айта кетейік, жыл басынан бері 64 апатты үй тұрғындарына жаңа пәтер берілді.