Айдос Сарым болашақта митинг ұйымдастыру үйреншікті нәрсеге айналатынын айтты

Atr.kz/20 ақпан, 2020 жыл. «Заңды талқылаған кезде ҚР ІІМ, жергілікті мәслихаттардың және тағы басқа да органдардың жұмысы реттелуі тиіс» дейді сарапшы.

 Болашақта митинг ұйымдастыру үйреншікті нәрсеге айналады. «Ойбай, анау митинг өткізіпті» деп таң қалмайтын боламыз. Өйткені, оны екінің бірі өткізетін болады.

 Біріншіден, осы кезге дейінгі 1995 жылғы заңда акциялар, бейбіт шерулер дегеннің ешбір түрі-түсі болмайтын. Пикетке шықса да, басқаға шықса да 100 адам, 5000 адам шықса да барлығы бірдей сипатталатын. Осы орайда заң шығару органдарына берген ұсыныста осы мәселені әдейі тіздік.

Екіншіден, қазіргі жаңа заңда 250 адам қатысатын басқосуларға арнайы рұқсат сұраудың қажеті жоқ. Біздің қазіргі қоғамдық пікірталас, дау-дамайдың бәрі сол 1-2 сөздің айналасында тұр. Рұқсат беру деген сияқты.

Негізі бұл заңдық дау емес, саяси дау сияқты. Жаңа заңда бейбіт шерулерге қатысты ұйымдастырушылардың, қатысушылардың міндеттері мен құқықтары айқындала түсті.

Гүлжан ӘМІРОВА