26 наурызда жарық болмайды

1600409055 1600409000 Жаңалықтар

Бұл туралы «Қазақстанның экологиялық ұйымдары қауымдастығының» басқарма төрайымы Айгүл Соловьева «Жер сағаты» туралы брифингте айтты.

«Жер сағаты» науқанына биыл 175 мемлекет пен 2,5 миллиардтан астам адам қатысады. Жыл сайын ұйымдастырылатын науқан Жер атмосферасына зиянды шығарындыларды азайтуға бағытталған. Энергияны үнемдеу үшін жарық 26 наурыз күні 20:30 бен 21:30 аралығында өшеді.

Қазіргі уақытта экологиялық мәселелер өте өзекті болып отыр. «Жер сағаты» науқаны – табиғатты аялауға бағытталған, планетаның климатын сақтау және оның шектеулі ресурстарына қамқорлық жасау бойынша шешуші шараларға қоғамдық үндеу, планетадағы ең ауқымды экологиялық науқан, — деп атап өтті Айгүл Соловьева.

Сағат сайынғы жарықты сөндіру Жердегі экологиялық жағдайды айтарлықтай жақсарта алмаса да, көптеген адамға электр энергиясын үнемдеуге және әрбір қамқор адамның денсаулығын сақтауға үлес қосуға мүмкіндік береді. Сондай-ақ, адам әрекетінің планетаның экожүйесіне әсері бір жарым есе өсетіні туралы да ақпарат бар.

Ағымдағы үрдістер сақталатын болса, 2050 жылға қарай адамдарға энергияға, суға, азық-түлікке қажеттіліктерін қанағаттандыру, қалдықтарды сақтау мүмкіндіктерін табу үшін екінші планета қажет болады. Бұл мәселе әртүрлі деңгейде – саяси, стратегиялық, технологиялық, практикалық деңгейде дереу шешілуі керек. Науқан адамдарды күнделікті әдеттерін өзгертуге, энергия мен жылуды үнемдеуге, суды дұрыс күтуге, қағаз бен басқа да материалдарды қайта өңдеуді таңдауға шақырады, — деді Айгүл Соловьева.

Қазақстан «Жер сағаты» науқанына 13-рет қатысқалы отыр.

Баға берсеңіз
Атырау газеті
Пікір қалдырыңыз