Тартысты сайыс

Атырауда өтіп жатқан облыстық маңыздағы сайыстар халықаралық мүгедектер күнінің құрметіне арналған. Жүріп-тұруы қиын және көруі нашар жандардың арасындағы спорт ойындары өзара тартысты өтуде.

Абай орталығының базасындағы дәстүрлі жарыстарға барлық аудандардан сайыскерлер қатысуда. Қатысушылар шахмат, дойбы, тоғызқұмалақ, паурлифтинг, голбол және үстел теннисі тәрізді алты спорт түрінен өтіп жатқан бәсекеде жақсы ойын үлгісін көрсетті.

Мүгедектер спорт клубының басшысы Аманбай Қыздарбаев спортшыларға сәттілік тілеп, әрбір қатысушының осы ойынның нәтижелері бойынша 2023 жылы өтетін Параолимпиадаға қатысу лицензиясын жеңіп алу мүмкіндігі бар екенін атап көрсетті.