Нұржау ауылындағы спорт кешені жыл соңына дейін ашылады

Құрманғазы ауданы Нұржау ауылындағы 48 орындық спорт кешенінің құрылысы 80%-ға аяқталды. Бұл туралы аудан әкімдігінің баспасөз қызметі мәлім етті, — деп хабарлайды Өңірлік коммуникациялар қызметі.

Бүгінде нысанның ішкі қабырғасын әрлеу, қас бетін қаптау, ішкі инженерлік желілерін жалғау және сыртын абаттандыру жұмыстары жүгізілуде.

Бір қабатты нысанның жалпы ауданы – 10 мың шаршы метр. Жоба бойынша мұнда спорттық зал, дәрігер кабинеті, үйірмелерге арналған және киім ауыстыру бөлмелері бар. Алдағы уақытта спорт кешенінен волейбол, футбол, баскетбол, үстел теннисі, күрес және басқа да спорт түрлеріне арналған секциялар ашылып, халық игілігі үшін жұмыс жасайды.

Айта кету керек, бүгінде Нұржау ауылдық округіндегі 2 912 тұрғынның 950-і бұқаралық спортпен шұғылданады.