Атыраулық Жұрқамырза Шүкірбеков Паралимпиаданың қола жүлдегері
Париж төріндегі Паралимпиада ойындарында 90+ келі салмақ дәрежесінде J2 – көру қабілеті нашар спортшылар санаты бойынша сынға түскен Еуропа кубогінің жүлдегері, Гран-при турнирлерінің жеңімпаз-жүлдегері, атыраулық Жұрқамырза Шүкірбеков қола жүлдеге ие болды.
22 жастағы палуан ширек финалдық бәсекеде бразилиялық Серхио Фернандесті таза жеңіп, жартылай финалда грузиялық Реваз Чикоидзеге есе жіберді.
Қола жүлде үшін таласта франциялық Насер Зорганимен қоланы сарапқа салып, иппон әдісімен жеңіске жетті.
Кездесуден соң спортшы жеңісті жақындатуға қолдау білдірген ата-анасы мен жаттықтырушыларына алғыс білдірді. Жергілікті қарсыластың өзіне бұрыннан таныс екендігін айтқан Жұрқамырза кездесуге жақсы дайындалып, ойдағыдай өткізгенін жеткізді.
Алмас БАУЫРЖАНҰЛЫ
