Қыркүйек айында ауа райы қандай болады?

Қыркүйекте бұлтты және жаңбырлы күн қалыптасады. Айдың басында Арктикалық ауа массасының қарқынды жүруімен елдің солтүстігінде, шығысында және орталығында қыстың бірінші репетициясы өтуі мүмкін, деп хабарлайды «Қазгидромет» орталығы.

Алайда, бір айдағы орташа ауа температурасы Батыс Қазақстан, Атырау, Маңғыстау облыстарында нормадан бір градус жоғары, Солтүстік Қазақстан, Ақмола, Павлодар және Шығыс Қазақстан облыстарында нормадан бір градус төмен, қалған аумақтарда – норма шамасында деп болжануда.