Үміткер әйелдер кәсіпкерлігі және салықтар туралы талқылады

screenshot 8 5 Саясат

Бүгін Петропавлда ҚР Президенттігіне кандидат Салтанат Тұрсынбекова Сәбит Мұқанов атындағы облыстық әмбебап ғылыми кітапханасында жергілікті халықпен кездесу өткізді. Онда ол Қазақстандағы әйелдер кәсіпкерлігін дамыту туралы айтты.

Үміткер мемлекеттік органдардың деректері мен зерттеулеріне сілтеме жасай отырып, статистиканы жариялады.

Әйелдер кәсіпкерлігі шағын және орта бизнес секторындағы жұмыс орындарының 31,4 пайызын қамтамасыз етеді.

2020 жылғы мәліметтерге сәйкес, Қазақстанда әйелдер басқаратын кәсіпорындардың үлесі 28,3 пайызды құрады. Олардың көпшілігі шағын және орта бизнес өкілдері, олар осы сектордағы жұмыс орындарының 31,4 пайызын және елдің жалпы ішкі өнімінің шамамен 14,6 пайызын қамтамасыз етеді.

Құқық қорғаушы шағын бизнес пен жеке кәсіпкерлерді салықтан толығымен босатуды ұсынатынын айтты.

«Кәсіпкерлердің аяққа тұруына мүмкіндік беруіміз керек. Олар орта деңгейге өткенде, жеңілдетілген салық салу қазірдің өзінде бар. Қызмет саласына байланысты жеңілдікті режим. Ал ірі бизнеске, әсіресе ойын бизнесіне, керісінше, салықты арттыруы керек», – деп атап өтті ол.

Сондай-ақ, жиналғандар кандидаттан сайлауалды бағдарламасы туралы сұрады. Атап айтқанда, әйелдердің зейнет жасын төмендету, сот реформасы және экономикадағы өзгерістер туралы сөз болды.

Салтанат Тұрсынбекова штабының

Баспасөз-хатшылығы

Баға берсеңіз
Атырау газеті
Пікір қалдырыңыз