Жарнама
Саясат

Саяси реформалар халық игілігіне қызмет етуде

Осыдан тура бір жыл бұрын Қазақстан саяси жаңғыру жолына аяқ басты. 2022 жылдың 16 наурызында Президент Қасым-Жомарт Тоқаевтың «Жаңа Қазақстан: Жаңару мен жаңғыру жолы» атты халыққа Жолдауы Қазақ елінің жаңаруын айшықтап, қайта өрлеудің басты бір нышанына айналды.

Елде референдум өтіп, қабылдаған реформаларды іске асыру жұмысы бірден қолға алынды. Президент сайлауын өткіздік, Ұлттық құрылтай құрылды. Қазақстанда жүргізіліп жатқан реформалар ел ішінде ғана емес, шет елдерде де талқыланды. Президент Қасым-Жомарт Кемелұлы Тоқаев айтқандай, еліміз дамудың жаңа кезеңіне қадам басты.

«Біздің болашағымыз – айқын, нақты жоспарымыз бар. Мәжіліс және мәслихаттар сайлауы – билік институттарын жаңарту жұмысының қорытынды кезеңі. Осылайша, билік жан-жақты реформаларды жалғастыру үшін жаңа сенім мандатына ие болады. Елімізді дамыту жолында тың бастамалар көтеріп, оны табысты жүзеге асыру – басты міндет. Қазір жетістікке мәз болып отыратын заман емес. Жұмысты тың қарқынмен жалғастыру керек», деді Президент.

Расында, қазіргідей аумалы-төкпелі құбылмалы заманда Тәуелсіздігімізді сақтап қалу маңызды. Осы ретте Мемлекет басшысының саяси реформа жасап, оның бірден нәтиже беруі  уақытында қабылданған шешім болды.  Ел игілігі жолында әрбіріміз қолымыздан келгенше қызмет етіп, қоғамға пайдамызды тигізуге жұмыстануымыз керек. Сонда ғана Президент бастамалары іс жүзінде нәтиже беріп, әр тұрғын армандаған Әділетті Қазақстан құру жолындағы қадамға серпін беретін болады. Мемлекет мықты, мемлекеттілік мәңгілік болуы үшін оның ауырлығы да бір тұсқа шоғырланбай, теңгерімді түрде тең бөлінеді.

Гүлфани Мұқашева Шакуқызы,

Атырау қаласындағы  №27 И.Тайманов атындағы мектептің тәрбие жұмысы жөніндегі орынбасары

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button