ОБЛЫСТЫҚ СПОРТ БАСҚАРМАСЫНДА – ЖАҢА БАСШЫ

Айта кетсек, Нұржан Мақсотұлының есімі өңірдегі спорт саласының қызметкерлеріне етене таныс. Филолог, инженер-экономист және заңгер мамандықтарын қатар игерген ол еңбек жолын Атырау қаласындағы №27 орта мектепте спорт пәнінің мұғалімі болып бастады. Бұдан кейін Атырау қалалық әкімдігінде, содан соң облыстық әкімдіктегі мұнай-газ кешені басқармасында да еңбек етті. «Қазмұнайгаз» ҰК» АҚ-ның Атыраудағы түрлі құрылымдарында қызмет етті. «Бейбарыс» спорт клубын басқарды.
— Өмірлік, тәжірибесі бар азамат алдағы уақытта осы басқарманы үлкен жетістіктерге жеткізеріне облыс әкімі тарапынан үлкен сенім білдірілуде, — деген облыс әкімінің орынбасары Шыңғыс Жұмабекұлы жаңа басшының жұмысына сәттілік тіледі.
Басқарманың жаңа басшысы Н.Ермұханов лауазымды қызметке сенім білдірген облыс басшыларына алғысын білдіріп, үмітті ақтауға тырысатынын жеткізді.
Бұған дейін екі айға жуық уақыт бойы аталған басқарма басшысының міндетін атқарған Аманжол Сағынғалиевке Ш.Мұқан облыс әкімі атынан Алғыс хат табыс етті.

Айгүл ЕРТІЛЕУ.