ЖЕРГІЛІКТІ ПОЛИЦИЯ
Жергілікті полицияға қоғамдық тәртіпті қадағалау, жол қауіпсіздігін қамтамасыз ету, тұрмыстық қылмысқа қарсы күресу міндеттері жүктеледі. Жаңа құрылымға учаскелік инспекторлар, жол-патрульдік, ювеналдық, табиғатты қорғау полициясы, әйелдерді зорлық-зомбылықтан қорғау және арнайы қабылдау бөлімдері кірмек.
Еліміздің ішкі істер министрлігі өкілдерінің айтуынша, осы бағытта ауқымды қызметтер қолға алынды. Жергілікті әкімшіліктермен де бірлескен белсенді жұмыс жасалуда. Алдағы уақытта жол-патрульдік полициясын 100 пайыз бейнерегистратормен қамтамасыз ету жоспарланып отыр. Ол көрсеткіш қазіргі күні 70 пайызды құрайды. Атап айтарлығы, мамандарды жұмысқа алу талабы өзгермейді.
Жергілікті полиция қызметінің басшылары жергілікті әкімшілік пен мәслихат алдында жылына екі рет, ал халық алдында бір рет есеп бермек.
