Атыраудағы 79-түзету мекемесінде Халықаралық йога күні аталып өтті
Кеше Атырау облысы бойынша Қылмыстық-атқару жүйесі департаментінің 79-түзету мекемесінде Халықаралық йога күніне орай сотталған азаматшалар арасында арнайы іс-шара ұйымдастырылды. Бұл күннің мақсаты — жан мен тән үйлесімдігінің маңыздылығын еске салу және салауатты өмір салтын насихаттау.
Іс-шараға 30-ға жуық сотталған азаматша қатысты. Йога жаттығулары бұл мекемеде жүйелі түрде өткізіліп тұратын пайдалы дәстүрге айналған. Жаттығу барысында қатысушылар тыныс алу техникасын меңгеріп, дене мен сана арасындағы тепе-теңдікті сақтауға бағытталған әдістерді орындады.
Йога — сотталғандардың ішкі жан тыныштығын сақтауға, күйзеліс пен эмоционалды қысымды жеңуге, сондай-ақ физикалық жай-күйін жақсартуға септігін тигізеді. Сонымен қатар, мұндай іс-шаралар олардың оң әлеуметтік бейімделуіне және өз-өзіне деген сенімділік орнатуына ықпал етеді.
Аталған бастама алдағы уақытта да жалғасын тауып, түзету мекемелеріндегі оңалту жұмыстарының тиімді құралдарының бірі ретінде дамиды деп күтілуде.
