Атырауда көлік қағып кеткен жаяу жүргінші көз жұмды

Атырау облысы полиция департаменті хабарлауынша, 10 қараша күні сағат 20:00 шамасында С.Бейбарыс даңғылында әуежайға бағыт алып бара жатқан Ресей мемлекетінде тіркелген “Kia Serato” маркалы көлігі жаяу жүргіншілер өткелінен өтіп бара жатқан 1981 ж.т., ер адамды қағып кеткен. Жаяу жүргінші оқиға орнында қаза тапты. 

Аталған автокөліктің 1993 ж.т., жүргізушісі ұсталып, қазір көлік арнаулы тұраққа қойылды. Қазіргі уақытта іс-құжаттар жинақталуда.