Жүрекке жылулық сыйлайтын мереке

Admin02.03.2025 18:01

Атыраулықтар Масленица мерекесін салтанатты жағдайда атап өтті. “Достық үйінде” “Былина» орыс этно-мәдени бірлестігінің белсенділері ұйымдастырған шараға Светлана Бондрашенко үш жүзден астам құймақ пісіріп әкелді.

Биыл барлық қазақстандық үшін ерекше жыл. Кеше, 1 наурызда біз Алғыс айту күнін және қасиетті Рамазан айының басталуын атап өтсек, бүгін Масленица мерекесі ұйымдастырылды. Бұл күні ақыл-ойды ашу мен реніштен тазарту қажет. Сондықтан сенушілердің барлық қайғы-қасіреттері үшін бір-бірінен кешірім сұрау дәстүрі бар. Осыған байланысты, “Достық үйінде” нағыз халықтық мереке ұйымдастырылды. Масленица ойын-сауықтары, жарыстар, барлық тапсырма орындау мен құймақ жеу дәстүрі жоғары деңгейде өткізілді. Мерекеге барлық ұлт өкілі отбасыларымен келіп, әжелерін, сәбилерін әкеліп, көңілді ойындарға қатысты.

Іс-шараны орыс халық театрының актері Андрей Лобыкин өте кәсіби түрде жүргізді, ол «Гурьевчанка» хорымен бірге түрлі ән орындауға, флешмобқа қатысуға, арқан тартысуға, жұмбақтар шешуге шақырды. Салтанатты шараға ертегі кейіпкерлері қатысып, кеш одан сайын әрлендіре түсті.
Ойын-сауық бөлігінің соңында қонақтар әртүрлі қоспасы бар құймақ пен самовар шайынан дәм татты.

Қонақтарды басқа белсенділермен бірге «Былинаның» басшысы Андрей Кораблевпен бірге әпкесі Светлана қарсы алды.

-Мен әрқашан жұмысқа құймақ пісіріп әкелемін. Ал жұма күндері әріптестерім бауырсақ әкеледі. Бәріміз бір шаңырақтың астында тату-тәтті өмір сүріп жатырмыз. Бауырсақ та, құймақ та артықтық етпейді. Өйткені, ұлттық тағамдарымыз жүрекке жылулық сыйлайды,-дейді С.Кораблева.