«Жайлау той — 2025» этномейрамы кең көлемде тойланды
Астрахан облысы Алтынжар ауылында дәстүрлі «Жайлау той — 2025» этномейрамы өтті, — деп хабарлайды Өңірлік коммуникациялар қызметі.
Қазақ халқының бірлігін, қонақжайлылығы мен салт-дәстүрін сақтау мен насихаттау мақсатында өткізілген шараға Құрманғазы ауданынан арнайы делегация, мәдениет қызметкерлері және Атырау облыстық Н.Жантөрин атындағы облыстық филармонияның «Мұрагер» фольклорлық ансамбілінің өнерпаздары қатысты.
–Құрманғазы ауданы – қазақтың қонақжайлығын, салт-дәстүрлерін, өнерін ұлықтайтын мекен. Біздің халық өз жерінің шырайлы жайлауларында ән мен күйге, сырға толы өмір сүреді. Бұл той бір-бірімізді тануға, достықты нығайтуға мүмкіндік береді,- деді Құрманғазы ауданының әкімі Абат Жанғалиев.
Шарада ұлттық спорттық ойындар ұйымдастырылып, екі елдің мәдени қызметкерлерінің қатысуымен мерекелік бағдарлама ұсынылды.
