Президент бастамасы – теңізге шығар жолы жоқ елдерге сенімді серпін береді

Мемлекет басшысы Қасым-Жомарт Тоқаевтың Теңізге шығар жолы жоқ дамушы елдерге арналған БҰҰ-ның үшінші конференциясында сөйлеген сөзі – жаһандық ынтымақтастықты нығайту мен әділетті халықаралық тәртіп орнату жолындағы маңызды қадам. Бұл бастама Қазақстанның бейбіт, ашық және көпжақты серіктестікке негізделген сыртқы саясатының айқын көрінісі.

Президент көтерген мәселелер – көлік-логистикалық инфрақұрылымды дамыту, инвестиция тарту, климат өзгерісіне қарсы әрекет ету – бүгінде теңізге шыға алмайтын елдер үшін аса өзекті. Әсіресе, өңірлік ынтымақтастық пен экономикалық серіктестікті кеңейтуге шақыруы – барлық тараптарға арналған ұтымды ұсыныс.

Қазақстанның Аваза іс-қимыл бағдарламасын қолдауы – елдің халықаралық деңгейде жауапкершілікпен және алдыңғы қатарлы ұстаныммен әрекет ететінін тағы бір мәрте көрсетті. Бұл бағдарлама дамушы елдердің жаңа даму көкжиегін ашатынына сенімдімін.

Президент бастамасы – теңізге шығар жолы жоқ мемлекеттердің шынайы дамуына жол ашатын, әділетті әлемдік тәртіпке негіз болатын маңызды үндеу.

Нұртас БАЙЖАНОВ,

«Ауыл» партиясының Атырау облысы бойынша өңірлік филиал төрағасы