Елімізде «Жастар жылының» жариялануы – жас буынға үлкен міндет жүктеп отыр.
Қазіргі таңда жас мамандарды еңбекпен қамтумен бірге, оның әлеуметтік мәселелерін оңынан шешуге жағдай жасалуда. Айталық, жұмыс беруші мекемелер мен оқу орындарының арасында әріптестік байланыс орнауда. Сол арқылы, қаншама жас маман жұмысқа орналасып жатыр.
Мәселен, мен оқу орнының қабырғасында жүріп ақ, мекемеден тәжірибеден өттім. Осы тәжірибе жұмысқа орналасуыма үлкен ықпал жасады.
Қазір бәсекелестіктің, жаппай цифрландырудың дәуірі. Еліміздің жастары жан-жақты білімді болумен бірге, әлем тілдерін жетік білетін нағыз білікті маман болуы тиіс.
Кез-келген мемлекеттің басты байлығы – дені сау ұлт. Демек, салауатты ұрпақ тәрбиелеу еліміздің жарқын болашағының бірден бір негізі.
Гүлрайхан ТАСБОЛАТ,
Атырау облысы балалар стоматологиялық емханасының жас маманы.
