![Бүгін Дүниежүзілік үкіметтік емес ұйымдар күні 1 e4b58a58 27d6 4030 8a11 f7e6e7ca4dd8](https://atr.kz/wp-content/uploads/2024/02/e4b58a58-27d6-4030-8a11-f7e6e7ca4dd8.jpeg)
Бүгін Дүниежүзілік үкіметтік емес ұйымдар күні
Бүгін облыстық ішкі саясат басқармасы Азаматтық орталығының ұйымдастыруымен “Интеллектуалды БАТЛ” іс-шарасы өтті.
Атырау қаласындағы «YEMAA» орталығында өткен QUIZ форматындағы іс-шараға облыстық ішкі саясат басқармасының басшысы Гүлнұр Сүйеуова қатысып, барша үкіметтік емес ұйымдарды атаулы күнмен құттықтады.
![Бүгін Дүниежүзілік үкіметтік емес ұйымдар күні 2 dff7841d 6d33 4c44 b083 423031a28156](https://atr.kz/wp-content/uploads/2024/02/dff7841d-6d33-4c44-b083-423031a28156-1024x682.jpeg)
![Бүгін Дүниежүзілік үкіметтік емес ұйымдар күні 3 2955cf98 fa5f 4e19 88c7 7d432740e8ea](https://atr.kz/wp-content/uploads/2024/02/2955cf98-fa5f-4e19-88c7-7d432740e8ea-1024x682.jpeg)
— Бүгінде облыста үкіметтік емес ұйымдармен жасалып жатқан қоғамға пайдалы жұмыстар аз емес. Ал қазір ұйымдастырылып жатқан алаң жұмысы үкіметтік емес ұйымдардың қызметін алға қарай арттырып, дамуына зор серпін береді. Бір-бірлеріңізге деген ыстық ықылас пен қарым-қатынастарыңыз, атқарып жатқан жұмыстарыңыз нәтижелі бола берсін, — деді Гүлнұр Жалғасқызы.
![Бүгін Дүниежүзілік үкіметтік емес ұйымдар күні 4 c47f2a06 1b58 4ddb 8592 a1c6729b3ae7](https://atr.kz/wp-content/uploads/2024/02/c47f2a06-1b58-4ddb-8592-a1c6729b3ae7-1024x682.jpeg)
БАТЛ бағытындағы ойынға қатысуға барлығы 40 үкіметтік емес ұйым өкілі тіркелген. Олар әрқайсысында 5 адамнан құралған 8 топқа бөлініп, белгіленген тапсырмалар бойынша бақ сынады.
![Бүгін Дүниежүзілік үкіметтік емес ұйымдар күні 5 efd409de 387a 468b b4cf f6817ee5913d](https://atr.kz/wp-content/uploads/2024/02/efd409de-387a-468b-b4cf-f6817ee5913d-1024x682.jpeg)
Екі кезеңнен құралған мерекелік жиынның алғашқы бөлігінде тренер Асқар Секербаев үкіметтік емес ұйым өкілдеріне «Қар ұшқыны» тақырыбында ойын ұйымдастырды. Бизнес ойынның негізгі мақсаты — қаржы жинау. Ойын барысында қатысушылар мекеме және кәсіпкерлерден қаржы тарту мақсатында өз озық идеяларын ұсынды. Екі тарапқа да тиімді ұсыныстар туралы айтылды.
Сондай-ақ «Үнемді өзгеріс» тақырыбында ойын қолға алынды. Бұл кезеңде үкіметтік емес ұйымдар жобаның ішкі процесін қаржы беретін демеуші-инвесторларға сәйкес жүзеге асыру және дамыту барысын үйренді. Шара соңында жеңімпаз топтар қаржылай сыйлықпен марапатталады.
Айта кету керек, бүгінде облыста 800-ге жуық үкіметтік емес ұйым тіркелген. Оның ішінде мемлекеттік әлеуметтік тапсырыстар шеңберінде экология, инклюзия, қолөнер, білім, волонтерлік, қайырымдылық секілді бағыттар бойынша 190-ға жуық ұйым белсенді қызмет атқарады. Соңғы уақытта инклюзия бағытында мүмкіндігі шектеулі балалар мен ересектерді қоғамға бейімдеу жұмыстарына баса ден қойылып жатыр.
Алтыншаш ҚҰРМАШЕВА,
Суреттерді түсірген Ерлан АЛТЫБАЕВ