Жарнама
Қоғам

Атырауда «Адам саудасын бірге тоқтатамыз!» атты ақпараттық акция өтті

30 шілде — дүниежүзілік адам саудасына қарсы күрес күніне орай Атырау облысы полиция департаментінің ұйымдасқан қылмысқа қарсы күрес басқармасы қызметкерлері теміржол вокзалында арнайы «Адам саудасын бірге тоқтатамыз!» атты ақпараттық түсіндіру акциясын өткізді, — деп хабарлайды Polisia.kz.

Шара барысында тәртіп сақшылары жолаушылар мен қала тұрғындарына адам саудасының қауіптілігі, оның түрлері мен белгілері туралы мәлімет беріп, аталған жағдайдан сақтану жолдарын түсіндірді. Сондай-ақ адам құқықтарын қорғауға бағытталған жадынама парақшалар таратылып, тұрғындармен профилактикалық әңгіме жүргізілді.

Акцияның басты мақсаты — қоғамда адам саудасы туралы түсінікті қалыптастыру, қылмыстың алдын алу және азаматтардың құқықтық сауаттылығын арттыру.

Атыраулық полицейлер адам саудасына байланысты қылмыстың алдын-алу және оған қарсы күрес жөніндегі сұрақтар бойынша «102» нөмірі бойынша немесе «116 16» сенім телефонына хабарласу қажеттігін ескертеді.

Related Articles

Добавить комментарий

Ваш адрес email не будет опубликован. Обязательные поля помечены *

Back to top button