Міне, осы аталған оқу орнының базасында қалалық қорғаныс істері жөніндегі біріккен басқарма қызметкерлерімен бірлесе отырып «Әскери-патриоттық, әскери-спорттық, әскери іздестіру және жаттығу клубтарын дамыту» тақырыбында жиын өтті. Онда бұрын әскери ұшқыш болған Анатолий Сүндетов, білікті әскери маман, әскери қызметтен демалысқа шыққан полковник Виктор Перевертов сынды ардагерлер өз өмірлерінен қызықты да әсерлі, тағылымы мол естеліктер айтты.
Колледж студенттері Гүлхан Елубаева, Диана Таупихова және Арайлым Серікбаева «Өз Отанымның патриотымын», «Тәуелсіз Қазақстан», «Қазақстанның болашағы жастар қолында» тақырыбында баяндама жасады.
Жиын соңында қала мектептерінде қызмет істейтін алғашқы әскери дайындық пәнінің мұғалімдері өзара пікір алмасып, болашақ жұмыс жоспарлары жөнінде көкейкесті ойларын ортаға салды.
Муфти ҚҰБАЙДУЛЛИН,
Ф.Оңғарсынова атындағы орта мектептің алғашқы әскери дайындық
пәнінің мұғалімі.
