Вакцинаның бірінші дозасынан кейін ауырғандар екінші дозаны қалай алады

ҚР ДСМ Инфекциялық ауруларды эпидемиологиялық қадағалау басқармасының басшысы Роза Қожапова вакцинаның бірінші дозасынан кейін ауырып қалғандар қалай вакцина алатынын түсіндірді.

«Егер адам коронавирусқа қарсы вакцинаның алғашқы дозасынан кейін ауырып қалса, алдымен тиісті ем алуы керек. Әрине, емдеу кезеңінде ол екінші дозаны алмайды. Сауыққаннан кейін бізде кез келген вакциналау үш-алты ай өткеннен кейін басталады. Тиісінше, бірінші компонентті алғаннан кейін ауырғандар емделеді және қалпына келгеннен кейін үш-алты ай күтеді. Қалпына келген соң алты айдан кейін вакциналаудың толық курсын қайтадан бастайды», – деді спикер Орталық коммуникациялар қызметінде өткен баспасөз мәслихатында.

Яғни, маманның айтуынша, вакциналау курсы қайтадан бірінші дозадан басталады.

«Біз қазір барлық қаулыларда коронавируспен ауырғандарды 3 ай бойы вакцина алмайтынын, вакциналаудан босатылатынын, олардың кез келген ұйымға және жұмыстан барудан шеттетілмейтінін және және ПТР тестілеу тапсырмайтынын жазып жатырмыз», – деді Р. Қожапова.

Сонымен бірге, спикер коронавирусқа антиденелер ағзада орта есеппен алты ай сақталатынын еске салды.