МӘМС жүйесінде былтырғы қарызды өтеудің қажеттілігі жоқ

Бұл туралы «Міндетті әлеуметтік медициналық сақтандыру қоры» Атырау облысы бойынша филиалы халықты ақпараттандыру және өтініштерді қарастыру бөлімінің басшысы Алмаз Кәрімжанов айтты, — деп хабарлайды Өңірлік коммуникациялар қызметі.

– Бұрын «сақтандырылған» деген мәртебені алу үшін өткен 12 айға төлем жасау керек деген талап болды. Енді мәртебені алдағы 12 айға жарна төлеу арқылы алуға болады, яғни өткен жылғы қарызды өтеудің қажеті жоқ. Бір жыл бұрын сақтандырылу үшін әр айға 4 250 теңгеден жарна төлеу қажет. Ескеретін жайт, 12 айды жеке-жеке төлеу маңызды. 51 мың теңгені бір төлеген кезде, жүйе жаңа талап бойынша мәртебе бермейді, — дейді А.Кәрімжанов.

Қазір облыста 81 220 адам сақтандыру мәртебесін алмаған. Оның 50 228-і ер адам болса, қалғаны қыз-келіншектер.