«Қарақызыл» – жаңа күй!

Ерекше дарын иесі, күйшікомпозитор Шәміл Әбілтаев жаңа күйін Атырау жұртына «Atyraý» газеті арқылы таныстыруды жөн көріп отыр.

– Бұл туындым шығармашылық ізденістің, айрықша толғаныстың нəтижесінде өмірге келді. Мұны туған жеріме сағыныш пен құрметім деп білемін, — дейді домбырашы.

Қазақ өнерінің саңлағы, Қазақстанның еңбек сіңірген қайраткері Ш.Əбілтаев көпшілікке Құрманғазы, Дина, Абыл, Мəмен күйлерін ерекше орындауымен танымал. Ол талай күй мен əндердің авторы да. Оның «Домалақ ана», «Құрманғазы – күй дүлдүлі», «Жер ұраны – Ұлытау», тағы басқа туындылары тереңін тарихтан алған, ел тəуелсіздігімен ұштасқан шығармалар.